Mae cynlluniau chwarae yn cael eu cynnal yn ystod gwyliau hanner tymor mis Chwefror a mis Hydref, dros y Pasg ac am bedair wythnos yn ystod gwyliau'r haf.
Nod cynlluniau chwarae yw cynnig cyfleoedd chwarae creadigol a llawn hwyl, wedi'u rhedeg gan weithwyr chwarae, ar gyfer plant 5 i 12 oed mewn amgylchedd diogel ac ysgogol.
Os oes gan eich plentyn unrhyw ofynion penodol, trafodwch hyn gyda'r tîm datblygu chwarae isod.
Mae cynlluniau chwarae yn cael eu harwain gan y plentyn ac maent yn rhoi'r cyfle i blant reoli eu chwarae a herio'u hunain i gymryd risgiau emosiynol a chorfforol mewn amgylchedd diogel ac ysgogol.
Dylai rhieni a gofalwyr lenwi ffurflen gofrestru ar ymweliad cyntaf y plentyn â'r cylch chwarae a bydd angen cofrestru yn flynyddol.
Mae sawl math o gynllun chwarae:
-
AGC (Arolygiaeth Gofal Cymru) - wedi cofrestru gydag AGC i ddarparu chwarae i blant rhwng 5 a 12 oed rhwng 10am a 3pm. Mae uchafswm o leoedd ar gael sy'n cael eu dyrannu ar sail y cyntaf i'r felin gaiff falu.
-
Sesiynol - sesiwn dwy awr ar y mwyaf a gyflwynir mewn cymunedau lleol ar gyfer plant 5 i 12 oed
-
Allgymorth - sesiwn ddwy awr ar y mwyaf a gyflwynir yn yr awyr agored mewn mannau agored mewn cymunedau lleol ym mhob math o dywydd
-
Cynllun chwarae arbenigol - yn rhedeg yn ystod gwyliau'r haf i blant 5 i 18 oed sydd ag anghenion gofal cymhleth wrth gael eu hatgyfeirio gan athro, meddyg teulu, therapydd galwedigaethol, gweithiwr cymdeithasol ac ati.Hwyl yn ystod gwyliau'r ysgol
Clybiau Chwarae
blant reoli eu chwarae a herio eu hunain i gymryd risgiau emosiynol a chorfforol mewn amgylchedd diogel.
Cynhelir sesiynau llawn hwyl ar draws Casnewydd ar gyfer plant 5-12 oed.
Archebwch sesiwn clybiau chwarae ar-lein
Darpariaeth Amser Tymor
| Dydd Llun |
16:00 – 17:00 Alway |
| Dydd Mercher |
16:00 - 17:00 - Ringland |
| Dydd Mawrth |
16:00 - 17:00 - Pill
16:00 - 17:00 - Underwood
|
| Dydd Iau |
16:00 - 17:00 - Bettws
16:00 - 17:00 - Maesglas
|
Am ragor o wybodaeth neu os oes angen cymorth ychwanegol ar eich plentyn i fynychu clwb chwarae cysylltwch â ni drwy [email protected].
Clybiau Ieuenctid
Mae clybiau ieuenctid yn cael eu harwain gan blant ac yn rhoi cyfle i blant reoli eu chwarae a herio eu hunain i gymryd risgiau emosiynol a chorfforol mewn amgylchedd diogel. Cynhelir sesiynau llawn hwyl ar draws Casnewydd ar gyfer plant 10-16 oed.
Darganfod mwy o wybodaeth
Mynediad agored
Mae cynlluniau chwarae Cyngor Dinas Casnewydd yn rhai mynediad agored a gall plant ddewis pa weithgareddau chwarae maen nhw am eu gwneud, a gyda phwy maen nhw'n chwarae.
Gall y plant gyrraedd ac ymadael â'r cynllun chwarae ar unrhyw adeg yn ystod yr oriau cyhoeddedig, ond gofynnir i rieni ddweud wrth eu plant i beidio â gadael y safle heb ddweud wrth weithiwr chwarae.
Nid yw Cyngor Dinas Casnewydd yn derbyn unrhyw gyfrifoldeb am ofal, rheolaeth a goruchwyliaeth plant sy'n teithio i'r cynllun chwarae nac ar ôl iddynt ymadael â'r safle.
Os bydd unrhyw blentyn eisiau gadael y cynllun chwarae yn ystod y dydd, rhaid i'r plentyn lofnodi i mewn ac allan a rhoi gwybod i weithiwr chwarae ei fod yn gadael.
Datblygu chwarae Teuluoedd yn Gyntaf
Cynllun chwarae cymhleth
Mae’r cynllun chwarae cymhleth ar gyfer pobl 5-17 oed sydd ag anableddau difrifol a chymhleth.
Mae ar gyfer y rhai a allai ei chael hi'n anodd ymgysylltu ag eraill mewn chwarae a chyfathrebu cymdeithasol, a'r rhai a allai fod yn sensitif i fannau gorlawn a mannau lle gall pethau mympwyol ddigwydd.
Mae'r cynllun chwarae yn cynnig lefelau uchel o gefnogaeth gan staff profiadol a hyfforddedig, niferoedd isel o blant, ac ystod o fannau tawel diogel ac ardaloedd agored i redeg o gwmpas.
Sylwer: Ni fydd y cynllun chwarae cymhleth yn cael ei gynnal yn ystod hanner tymor mis Hydref 2024 gan y byddwn yn cynnal sesiynau Chwarae i Deuluoedd yn lle. Bydd gwybodaeth am y sesiynau Chwarae i Deuluoedd yn cael ei hanfon yn uniongyrchol at ein teuluoedd, ysgolion anghenion arbennig a chanolfannau adnoddau dysgu.
Bydd ceisiadau Chwarae Cymhleth yn hanner tymor Chwefror 2025 yn cael eu cyhoeddi ar y dudalen hon maes o law.
Cysylltu
I gael rhagor o wybodaeth neu os oes angen cymorth ychwanegol ar eich plentyn i fynychu clwb chwarae, anfonwch e-bost at [email protected] neu cysylltwch â Chyngor Dinas Casnewydd a gofynnwch am y tîm datblygu chwarae.