Dosbarth Derbyn (Cynradd)
Gall plant ddechrau yn y dosbarth Derbyn y mis Medi yn dilyn eu pen-blwydd yn 4 oed.
Gallwch ddewis addysg cyfrwng Cymraeg, cyfrwng Saesneg neu ysgol ffydd. Nid oes angen i chi fod yn siaradwr Cymraeg er mwyn i'ch plentyn fynychu lleoliad cyfrwng Cymraeg.
Mynediad 2025
Dyddiad geni plant cymwys - 1 Medi 2020 a 31 Awst 2021
Gwnewch gais ar-lein o - 6 Tachwedd 2024 trwy ein porth addysg ar-lein.
Dyddiad cau - 9 Ionawr 2025 5pm
Trosglwyddo yn ystod y flwyddyn
Ar gyfer derbyn i ysgol gynradd y tu allan i gylch derbyn blynyddol y dosbarth Derbyn, bydd angen i chi wneud cais trosglwyddo yn ystod y flwyddyn.
Gwnewch gais ar ein tudalen we trosglwyddo yn ystod y flwyddyn.
Gohirio
Gall rhieni ohirio mynediad tan y tymor sy’n dilyn pen-blwydd eu plentyn yn 5 oed.
Ni ellir gohirio mynediad ar ôl dechrau'r tymor ar ôl pen-blwydd y plentyn yn 5 oed, neu y tu hwnt i'r flwyddyn ysgol.
Cyn gohirio mynediad eich plentyn, dylech gysylltu â’ch ysgol ddewisol i ofyn sut mae’n darparu ar gyfer y plant ieuengaf yn y Dosbarth Derbyn a sut mae anghenion y plant yn cael eu diwallu wrth iddynt symud i fyny drwy’r ysgol.
Apeliadau
Os gwrthodir lle mewn ysgol i chi byddwch yn derbyn llythyr penderfyniad yn egluro pam ac yn rhoi gwybodaeth am eich hawl i apelio.
Ewch i'r adran apeliadau am ragor o wybodaeth.